ما أجمل أيام الحب في هذا الزمن
وما أصعب أيام الحزن في هذه الحياة
فيأتي الحب بكل
الأمل
البهجة
والشعور بالنفس الجميلة
ويأتي بكل
صدق
إخلاص
و تفاني
و تفاهم
فما أجمل شعور الحب وما أحلى أيامه ولياليه
وحينما نتحدث عن الحزن فإنه يأتي بكل
حسرة
وذنب
وإحباط
عدم رضا
وعدم الثقة بالنفس
وفي بعض الأحيان
يأتي بالشرور والظنون
والحيرة والوحدة
فما أصعب أيام الحزن وما أقصى أيامه ولياليه
لو فكرنا كلنا في إننا نحب بعض في أي شيء
ومش قصد كلامي الحب مع الجنس الآخر بس
ولكن لازم يكون فيه حب
سواء في شغلنا
أو حتى مع جيراننا
أو مع أصدقائنا وأصحابنا
أو أي حد محيط بينا ولينا بيه أي علاقة
بغض النظر عن الاهتمامات والميول والشخصيات
بغض النظر عن الأفكار والمبادئ والأديان
بغض النظر عن أي شيء مهما كان ممكن يضيع الحب ده
ومن غير أي مصالح أو أي التزامات
ومن غير أي ظغوط أو كبرياء
ومن غير أي انطباعات
المهم إننا نحب بعض بجد
ساعتها بس
هنبعد عن أيام الحزن نهائياً
وهنقدر إننا نبني مجتمعنا وحياتنا من جديد
ونعمل كل اللي إحنا بنحلم بيه وبنفكر فيه
بالحب والتفاؤل والإخلاص
ونبعد عن الشرور والظنون والمصالح
ونبدأ حياتنا من جديد في سلام وفي حب وبس
وبعد كل ده لما يحصل
ساعتها بس هنعرف
ما أجمل أيام الحب في هذا الزمن وما أحلى أيامه ولياليه
وما أصعب أيام الحزن في هذه الحياة وما أقصى أيامه ولياليه
NOSHA
ــــــــــــــــــــــــ
20 comments:
جميل هذا الكلام فعلا وهذا هو ما يكونحال المرء فعلا بسبب هذا الشعور الغريب المفاجئ لكنه احياناً مؤلم والأخري يكون جميل
فين الحب ده يا نوشا
أقوك ايه
حب ايه الى انت جاي تقول عليه
طبعا بقيت الكوبليه مش عليك
لكن التناقضات أصبحت عاصفة بشدة
فيتصرف الى كنت تعتقد انه بيحبك تصرف، تشعر من خلاله انه بيكرهك
وانت تتصرف مع شخص بتحبه تصرف يبان فيه كره ، او ما يبانش فيه أي حب
الانتصار للنفس وحب الأنا طغت
وأصبحت هي المتحدث الوحيد
تحياتى ليك يا صاحبى
*****
صحيح كنت هانسى أول تعليق يا باشا
: http://mohanad20054.maktoobblog.com
ايوة كدة يانوشا هي دي الرسالة الحقيقية الي عاوزين نبعتها للعالم كله
رسالة حب
انت عايش بالحب
قلبك لا يعرف غير الحب
لا يوجد للكره مكان في قلبك
ان اعلنت كافة القلوب سوادها بفساد اخلاقها وضمائرها
فليصرخ قلبك بالحب انت ياقلبي كل الحب
لاتبالي بقلوب الاخرين التي ملاتها المصالح والاغراض
عش بالحب وللحب
ضميرك هيرتاح وقلبك هيكون انقي قلب في الدنيا كلها
بالحب هنبني وهنعمر
بالحب هنبتسم وهنضحك من قلبنا
بالحب هنرضي وهنعيش
احلي واجمل حياة
اسفة للاطالة
لكن رسالتك كانت اجمل رسالة
رسالة حب
تحياتي
بنت الاسلام
الكلمة الصادقة
الكلام بالنسبة للحب لازم يكون جميل في معظم أوقاته .. ولكن في أوقات أخرى فهو مؤلم من تغيرات الأشخاص والأوضاع
أشكرك جداً على زيارتك ومستني الزيارات القادمة
وتحياتي ليك
منذر حبيب قلبي
نورت المدونة والله
الحب موجود يا منذر في كل زمان وفي كل مكان طالما فيه ناس لسه جواها الخير والأمل والحب والحلم ... ومن الأشياء المهمة في الحب هو الثقة والإخلاص وعدم الغدر والخيانة والأهم من كل ده النفس المحبة المخلصة الكارهة لكل حاجة غلط ولكل شرور
تحياتي ليك يا منذر
حور محب
شكراً على زيارتك واوعدك إني أزور مدونتك
بطة ـ بنت الإسلام
لازم يا بطة إننا نعرف كل الناس بحبنا وبسلامنا بس الأهم إننا نبدأ بنفسنا الأول علشان نصلح من وضعنا ولو عشنا بالحب فعلاً ضمائرنا ونفوسنا هتكون مرتاحة وسليمة من أي شرور أو ظنون
ياريت إننا كلنا نعمل كده بجد وميكنش ده مجرد كلام
تحياتي ليكي جداً يا بطة
اية الجمال و الحلاوة و لطعامة دي يا نوشة
قلت كل كلمة انا حاسس بيها ونفسي اكتبها ربا يقوي قلمك يا بني
صديقي وحبيب قلبي وأخويا شمس
ربنا يخليك يارب وأتمنى إني أكون نقلت كل اللي حاسس بيه اللي زينا لإننا من غير الحب عمرنا ما هنعرف نعدل ونصحح من أخطائنا ومن نفسنا
أشكرك جداً على الإشادة الجميلة
طبعا الحب شئ اساسى
وضرورى فى كل مجال ومع كل الناس
بس انت بتتريأعلى موضوع الحب فى الزمن ده.... صح
انت كررتها مرتين (مااجمل الحب فى هذا الزمن )
والصورة مناسبة للتريأة كمان
البنوتة ماسكة ايد واحد ونايمة على كتف التانى ....يلا خير
بوست جميل
تحية
معك كل الحق في هذا
الحب
تلك الكلمة السحرية التي تصنع المعجزات حقاً وتدفع الظلم وتجعل الشعول متفائلة ومتقدمة ومتحابة ومتسامحة
تحياتي للجميع
نوشه الله هو ده الكلام
ما أروع حروفك و انا أقرأها سببت لى سعاده كبيره
سارة
نورتي المدونة يا سارة وشرفتيني بالزيارة وفعلاً الحب مش شيء أساسي وبس ولكن هو كل حاجة في حياتنا اللي بنحلم بيها .... وعلى فكرة أنا مش بتريق على الحب في زمننا ولكن التكرار ده لتأكيد المعنى وتعمقيه الفكرة وبالنسبة للصورة بقى فهي بتعبر عن قيمة الحب والتآخي بين الناس الموجودين في الصورة ومدى حبهم لبعض وخوفهم على بعض ومش القصد بيها التريقة برده
تحياتي ليكي يا سارة
الأستاذ
أشكرك جداً على الإشادة الجميلة وعلى الزيارة الأجمل وياريت إننا نبدأ بأنفسنا في الخطوة دي وأكيد جداً هتعمل فرق كبير مع اللي هيطبقها بجد
تحياتي ليك ومستني زياراتك الجاية
أوشا ـ في القلب
وحشتينا جداً وألف حمد الله على السلامة
أشكرك جداً جداً على الإشادة الرائعة منك وأمنى إني أكون دائماً سبب جزء صغير جداً من سعادتك لإن ده يشرفني ويسعدني أكتر
نورتي المدونة
تضاد فى المعنى يرز المعنى ويوضحه
تناول للحب بشكل رائع ودعوة جميله للحب وتعميمه
بوست جميل أحييك على فكره إختيارك للصور حكايه الصور جميله
الحب دة عامل زى العفريت
كلنا سمعنا عنه بس ماحدش فينا شافه
وحياتى يا محمد لو شوفته سلملى عليه وقوله ان فى واحدة نفسها تقابله من زمان
سي السيد
نورت المدونة بزيارتك وأشكرك على التشجيع والإشادة الجميلة
تحياتي ليك جداً
SIMPLE GIRL
نورتي المدونة يا شاهي وعلى فكرة الحب موجود في كل مكان ومش عفريت زي ما بتقولي ولكن هو محافظ على نفسه ومش ظاهر لكل الناس بسبب الشرور والظنون علشان كده هو بس عايز اللي محتاجله يدور عليه بأديه وأسنانه ولما يلاقيه لازم يحافظ عليه جداً ويعرف قيمته ويقدره ... وعلى فكرة هو بيسلم عليكي كتير ونفسه يقابلك هو كمان ومستنيكي تلاقيه
Post a Comment