Wednesday, May 7, 2008

رسالة إلى شعب مصر والحكومة الفاسدة

وجدنا جميعاً منذ بضعة أيام الوجه الذي منذ أن ولدنا وهو موجود على كرسي العرش والمملكة
يطل علينا عبر جميع وسائل الإعلام والجرائد والمجلات والفضائيات
بالعلاوات الجديدة للحد من أزمة ارتفاع الأسعار والوقوف بجانب محدودي الدخل والفقراء
وأعطى علاوة قدرها 30 % كاملة ..... وهي تعد المرة الأولى في تاريخ بلادنا الأسود
ومع ذلك الوجه الذي انعدمت ملامحه من شدة المرض وكبر السن
والذي تزيد فيه هذه الزيادة مرة واحدة هكذا من أجل حياة أفضل وعيشة كريمة للناس
ففرح الشعب وهلل وبعضهم من كبر وسجد لله شكراً بسبب تلك الزيادة

ويا لهم من مساكين وقليلي الحيلة وبالفعل هم أكثر من غلابة
فهم لم يدركوا حجم الغلاء القادم في كل شيء والضرائب القادمة لتعويض تلك العلاوات
ولم يدركوا أيضاً بأن كل ذلك سيتم أخذه منهم مرة أخرى بل مرتين أو ثلاث مرات
فاستيقظنا جميعاً منذ يومين على أول المفاجآت والكوارث القادمة
فوجدنا الإرتفاع المفاجيء في أسعار الوقود بكافة أنواعه وأشكاله
بل والأدهى والأمر من ذلك هو ظهور إشاعات بانتهاء عصر البنزين ال 80 وال 90
ومن هنا يبدأ مكر الثعالب والدهاء الشيطاني لحكومتنا الكاذبة الفاسدة
فما أمر من ارتفاع أسعار الوقود فهو يؤدي إلى الإرتفاع في كل شيء
ابتداءاً من المواصلات وتوابعها وانتهاءاً إلى نفس المشكلة وهي ارتفاع الأسعار في كل السلع

ويطل علينا نظيف الحكومة بقراراته ليؤكد عدم المساس بالسلع الأساسية
وعدم المساس أيضاً بالبنزين ال 80 و ال 90 تنفيذاً لقرارات الكهل الظالم والفاسد ملكنا
وهنا يبدأ الكلام من جديد فتجدهم يتحدثون بأن زيادة الأسعار والغلاء من وراء تجار الجملة
وأن الحكومة كلها بكل ما لها من سلطة ونفوذ وقوة لا علاقة لها بذلك ولا تستطيع الوقوف والتصدي لتلك الظاهرة
ويأتي دور تجار الجملة الذي لا يوجد على لسانهم إلا أنهم لا علاقة لهم بإرتفاع الأسعار وإنما
يؤكدوا ويصروا بشدة أن كل ذلك نتيجة لإرتفاع الأسعار التي يشتروا بها من المحتكرين التابعين للحكومة الفاسدة
ومن أصحاب الشركات التي لا هم لهم سوى أخذ الملايين والمليارات
وأن كل هذا الغلاء بعلم الحكومة ورضائها التام عن ذلك

ويؤكد معظم التجار وأقاويل وكلام كل أفراد الشعب بأن الأسعار ستظل في زيادة ولن تتوقف أو تثبت على حد معين
ولا يهم إذا كان ذلك الغلاء ينول من دم وعرق وجهد ذلك الشعب المغلوب على أمره
ولا يهمهم أيضاً أن يكون ذلك على حساب أصحاب الحرف والمهن والذين يعيشون قوت اليوم بيومه فقط
ولا يهمهم أيضاً إذا كان ذلك على حساب أناس يمكن أن تموت من شدة الجوع والفقر
لا يهمهم أي شيء سوى أنفسهم وكراسيهم وجمع المزيد من ملايينهم

وليس ذلك فحسب فهناك أنباء مؤكدة وعلى لسان معظم أفراد الشعب تقول أن
هناك زيادة في سعر زجاجة الزيت لتصل إلى 15 جنيه
وزيادة في سعر كيلو السكر ليصل إلى 6 أو 7 جنيه
وحتى الفول نصير الغلابة والفقراء سيزيد سعره إلى 12 أو 13 جنيه
وكل ذلك ابتداءاً من أول يوليو 2008
أي منذ بداية العلاوات المدفوعة مسبقاً ومازلت وستظل تدفع من دم وعرق هذا الشعب
ولا نعلم ماذا بعد كل ذلك
وما الذي سيزيد سعره من السلع الأساسية والغير أساسية أيضاً

ولكن كل الذي أعلمه أن القادم أسوأ بكثير وبكثير مما سبق
فلم يفلح معهم الإضرابين المتاليين
ولم يفلح معهم صرخات جميع أبناء هذا الوطن من النفق المظلم الذي ليس له آخر
فكل ذلك الفساد والشر والجبروت المحيط بنا
ولا حياة لمن تنادي وكأنك تتحدث إلى أصنام لا دين لهم ولا حياة ولا رحمة
فقد ألقوا بنا إلى ذلك النفق ولم نعد نرى له أي نهاية أو حتى بصيص أمل أو نور للخروج
ولم نعد نرى أي حياة نعيشها أو أي مستقبل ننتظره
لإنه بالفعل لا يوجد هناك أي حياة أو أي مستقبل مع ذلك الملك الفاسد ومع حكوماته التابعة لشروره وفساده
فقط المجهول ننتظره والذي يمكن أن يكون أقرب إلى الموت فقط وليس إلى أي حياة
فإذا كنتم تريدون لنا الحياة والخروج من ذلك النفق المظلم
فأغربوا عنا بكل فسادكم وشروركم وجبروتكم
وأتركوا لنا حياتنا لنعيد بناءها من جديد بأملنا وحلمنا وكيفما نشاء ويحلو لنا
وتأكدوا أننا سنكون في غاية السعادة والسرور حتى لو فشلنا بأنفسنا
طالما أن كل شيء بعيد عنكم وعن فسادكم فنحن راضون بأي نهاية
وأما إذا كنتم تريدون لنا الموت فالأفضل لنا أن نموت بشرف وبعزة وكرامة
على أن نموت من شدة الفقر والغلاء والفساد الذي سيطر على كل شيء من حولنا
ولكننا لن نموت بتلك السهولة التي تتوقعونها ولن نموت ونحن واقفون مكتوفي الأيدي
ولن نكون لقمة سائغة في أفواهكم
ولن نكون الدمية التي كلما عذبتموها كلما سعدتم بشقائها وعذابها
بل سنلقي بكم جميعاً إلى الجحيم وإلى النار
ببركان غضبنا الكامن داخل كل فرد من أبناء هذا الشعب
بحلمنا في الخروج من نفقكم المظلم
بأملنا في أن نبحث عن حياتنا وعن كياننا
وسنبقى ونحيا رغم كل شروركم وجبروتكم وفسادكم
وستظل مصر وشعبها أحرار وصامدين إلى يوم الدين

21 comments:

المنسى said...

الله يانوشا الله
حاسس بيك والله وبصرخاتك وبصرخه معاك بكل ما اوتيت من قوة
ألف ألف مبروك على الرجوع ورجوع حميد إن شاء الله
مصر باقية مادامت الحياة مصر الخالدة على مرور الزمن مصر موجودة رغم أنوف من لايريدون ذلك مصر باقية بية وبيك وبكل مصرى وبكل مصرية
والنظام العميل ده بإذن الله بإذن الله نهايته قربت قربت أوى
والله قربت أوى
ومصر بإذن الله الفترة إللى جاية إنت بتقول إنها أسواء لا والله أنا شايف إن إللى جاى أحسن مصر بدأت تتكلم الشعب بدأ يكون ليه رد فعل مش مهم الإضراب فشل بس الشعب ليه إرادة وإستخدامها فى إنه يعبر عن ما بداخله
أه خسر جولة بس لسة حى
مصر ولادة يانوشا
مصر لم ولن تموت مادام فيها أمثالك
تحياتى

حسن مدني said...

يا عزيزي
الحكومة مضطرة لرفع أسعار الوقود لتغطية دعم الغاز المصدر إلى إسرائيل..
والقادم أسوأ وأشد كثيرا إلا أن يرزق الله فرجا، وأن يغير الشعب من حاله

تحياتي

رذينة أيمن said...

عزيزتي نوشا

سعدت جدآ بمدونتك واللي خلاني ازورها كلمات التشاؤم اللي في إيميلك .

الدنيا كلها يانوشة بتعاني من الغلاء والفساد والظلم والقهر وهذا هو اللي يقولوا عنه الزمن الصعب .

الناس هي السبب مش الزمن .

الزمن هو الزمن والناس هي اللي بتغيره
حاولي تكوني متفائلة وبصي لبكرة بعين حلوة واحلمي ما أحلى من اننا نحلم ببكرة وبعد بكرة .

بكرة إن شاء الله سيكون احلى بيكي وبالشباب اللي في عمرك أنثم أمل المستقبل .

مستقبل مصر ومستقبل الأمة

تحياتي

بنت الاسلام said...

غضبك واضح يانوشة وهو غضبنا كلنا

الشعب معظمه مش لاقي لقمة يسد بيها جوعه

احنا نفسنا اللي بنعتبر من طبقة ميسورة

اصبحنا بنعاني اكتر من اي فترة في حياتنا

حكومة مش فاهمة حاجة قرارات بتنفذها علي رقاب الضعفا

اما الاغنيا واللي معاهم فبيخافوا منهم وبيبعدوا عنهم

الرحمة من عندك يارب

ميرا ( وومن ) said...

مبروك علي العودة
ومبروك علي الموضوع القوي
لخصت في كلماتك لسان حالنا جميعا والمعضلة التي لا نجد لها حلا
لنا الله ( اللهم ارفع غضبك ومقتك عنا )
اللهم امين
تحياتي

يورو said...

نوشه
كلمات قويه جداا
وفيها غضب والم شديد
بس اهوه
الواحد م بئاش عارف يعمل اى
كانت زمان شكوتنا
نحسن دخل
كانت مشكلتنا واحد مش عارف يشتغل
مشكله فى تلوث ميه او هوا
واحد مريض مش ققادر يتعالج بس اهوه عايش
دلوقتى حتى حق الحياه بقى صعب ننوله
ولا كاننا بنادمين

المشكله الاكبر اننا لسه مسلمين وساكتين

مواطن زهقان said...

احنا خدنا احلى قفا
بحكاية رفع الاسعار دى
على راى محمد عصفور
مشتركناش فى الاضراب عشان العلاوه
راحو ردوا علينا بالزياده
امال هيدفعوا العلاوه ازاى

nosha said...

صديقي العزيز وأخويا المنسي
الصرخات دي مش صرخاتي أنا لوحدي لكنها صرخات الشعب كله والنهاية لكل الفساد والظلم والجبروت جاي قريب أوي بإذن الله
طول ما إحنا بنحلم وجوانا الأمل طول ما هنفضل عايشين ومستنيين فجر حياة جديدة
تحياتي ليك يا منسي

nosha said...

حسن مدني
ولحد إمتى هنفضل ساكتين على تصدير كل خيراتنا وبأقل من سعرها الموجود في أسواقنا تحت شعار الإتفاقيات والمعاهدات
فلتسقط كل الإتفاقيات والمعاهدات التي ليست في مصلحة الشعب المصري وليسقط كل من ساهم فيها من بدايتها أصلاً
تحياتي ليك يا حسن

nosha said...

رذينة أيمن
الدنيا كلها بتعاني من الغلاء دي ممكن أعتبرها صح ...... لكن يكون مع الغلاء كل الظلم والفساد ده فإستحالة إن يكون المزيج ده كله مع بعضه إلا داخل مصر وداخل الحكومة والحزب الفاسد العميل
وأنا والحمد لله عندي كل أمل وكل تفائل في حياتي نفسها وفي بكرة كمان

ملحوظة مهمة جداً :ـ أنا شاب مش بنت

تحياتي ليكي جداً وفي انتظار مزيد من زياراتك

nosha said...

أختي العزيزة الغالية جداً بنت الإسلام
إن شاء الله اللي جاي أحسن كتير وزمن السكوت والرضوخ لكل الفساد والظلم والجبروت اللي حوالينا لازم ينتهي قريب أوي ولازم إننا اللي نبني حياتنا بإيدنا ..... ورزقنا من عند ربنا سبحانه وتعالى مش من عند شوية الفاسدين دول
وهو المنتقم الجبار ونصيرنا ليوم القيامة
تحياتي

nosha said...

العزيزة وومن
أشكرك على زيارتك الجميلة
وكلماتي بالفعل هي كلمات كل أبناء هذا الشعب وتعبير بسيط جداً عن غضبهم الكامن بداخلهم
تحياتي ليكي

nosha said...

العزيزة يورو
فعلاً عندك حق
مشكلاتنا كانت زمان بسيطة وممكن إنها تتحل لكن دلوقتي بقت مصايب وكوارث حقيقية وكلنا بنستغيث وبنصرخ ولكن لا حياة لمن تنادي
بركان الشعب المصري قادم ولن يوقفه أي شيء في هذه الدنيا
تحياتي

nosha said...

مواطن زهقان
نورت وشرفت المدونة بزيارتك
هو فين العلاوة أصلاً ولا من الأساس يعني إيه علاوة
إحنا خدنا مش قفا بقى إحنا خدنا حاجة تانية خالص بعيد عن الضرب وهي حاجة بتتحس بس مش بتتشاف
ربنا يصبرنا ولكن يا صديقي تأكد إن لكل شيء نهاية
تحياتي

mohammed alsha3r said...

عودا حميدا ياعمنا

وبلاش تتأخر وتبعد كدا علشان بتوحشنا

بس كويس بتغيب بتيغيب

وترجع حامى سخن مولع

بس كل اللى انت قلته دا

لو مشيت فى الشارع هتلاقى كل واحد بيكلمه نفسه وبيردد نفس الكلام دا

غلاء

تصدير الغاز لناس محتلين

بطاله

ظلم

قهر


الناس هتلقيها خرفت على الاخر

نوشه ... متغبش كتير ..سلام ياجميل

ابو النجوم said...

نوشه
المشكله عندنا مش فى الحكومه العيب فينا احنا لاننا عودنا الحكومه تعمل فينا اى حاجه ونسكت . احنا شعب بليد معندوش دم واخدين على السخره . عمرك شفت شعب مابيعرفش يتحكم الا احنا . انت عارف طبعا ان الناس اللى بيحكمونا حاليا ناس من الطبقه المتوسطه او اقل شويه دة قبل مايحكمونا ومن الطبيعى انهم يتعاطفوا مع الناس الغلابه اللى زيهم لكن اللى بيحصل العكس بينتقموا مننا واحنا نستاهل كده لاننا اللى قعدناهم على الكرسى وده جزاه اللى مايسمعش كلام اهله .عموما التغيير قادم يانوشه وساعتها هنشوف مين اللى هيضحك فى الآخر.

nosha said...

صديقي وحبيبي محمد الشاعر
آسف لكل الغيبة اللي فاتت وإن شاء الله مفيش أي غيبة تاني
وعندك حق يا شاعر الناس خلاص خرجت من هدومها وقربوا إنهم ينفجروا من كتر الضغط والغلاء والظلم والفساد اللي حوالينا في كل مكان
بس إن شاء الله وأكيد جداً البركان قادم لا محالة وحلمنا هيتحقق قريب أوي
تحياتي ليك يا صديقي

nosha said...

عمي وأستاذي أبو النجوم
لو الموضوع كده يا أبو النجوم يبقى أنا آسف إن اللي قبلنا هما اللي عملوا كل ده وهما السبب في اللي بيحصل ده وإحنا دلوقتي مطالبين إننا اللي نتحمل نتيجة غلطهم لإنه جه علينا إحنا بالنكبة وبالنسبة للناس اللي بيحكمونا دول فهما مجرد شوية حرامية عايزين يلموا الملايين والمليارات في جيوبهم وبس وإنما إحنا الشعب فنولع بجاز وسخ ونخبط دماغنا في أكبر حيطة بس خلاص بقى كفاية لحد كده الشعب كله زهق وأعلن التمرد والعصيان على كل شيءومستعدين إننا نقف قدام حكومات كاملة مش حكومتنا إحنا بس
تحياتي ليكم يا أبو النجوم

GiGi world said...

ببساطه المفروض الخطاب اللى جاي لازم اللى هيقوله ايا كان ياجماعه الكلام اللى هقوله النهارده هيحصل عكسه بالضبط واخبطوا دماغكم فى الحيط ماهو احسن مايضحكوا علينا الخطوه اللى جايه هتبقى سوري يعني .......
سعدت حقيقه بزياره مدونتك

كوارث said...

صباح الفل يا باشا
يا قاريء العلم عن الجاهلين خطر .. كموفد الشمع في بيتٍ لعميان
وقد أسمعت اذ ناديت حيًا .. ولكن لا حياةَ لمن تنادي
بس برضه " ولا تحسبن الله غافلا عما يعمل الظالمون "
للاسف الواحد زهق من كتر الكلام في التلاتين في المية وغلا الفول والطعمية والخ الخ
خليها على الله

أحرار مصر said...

العزيز نوشه
دعوتك للنزول الى ارض الواقع بغرض القيام بأعمال نبيلة هى دعوة رائعة. وستكون إضافة رائعة لقيمة التدوين.
ولقد سررت كثيرا بالتعرف على مدون متميز مثلك وذلك فى اجتماع المدونين الأخير
أختك دودو555555
دانتيلا جيران

GOOGLE